شعر های آذری و ترکی در وصف مادران

در این نوشته از دلبرانه می خواهیم تعدادی از اشعار ترکی در وصف مادر و عکس نوشته های زیبا تقدیم شما نماییم.

اگر برای مناسبت های مختلف به دنبال اشعاری در وصف مادر به زبان شیرین ترکی هستید تا انتهای این پست ما را دنبال کنید.

در ادامه مجموعه ای بهترین اشعار با محتوا و عکس ن.شته هیا زیبا را برای شما آماده و جمع آوری کرده ایم.

شعر های ترکی درباره مادر

گؤرمه یه گلدیم سه گؤره بیلمه دیم

پریشان ساچلارین هؤره بیلمه دیم

دوداغیم تیتره دی سسیم چخمادی

آناجان دردینه دؤزه بیلمه دیم

کردی ده گوللرین یاشیل قیرمیزی

سئوه دین یارپیزی گولو نرگیزی

گؤزلرین یام یاشیل حیات اولدوزو

بیلمز ایدیک قدرینی واللاه ددوزی

ناغیل لار دئیه ردین اوشاق کن بیزه

زامان سارکیدارکن کؤچورتدو دیزه

جان آنا سؤیله ییب آنا دیلده من

حئیرانام سن قویوب گئده ن هر ایزه

ﺍﻭﻟﻮﻛﻰ ﻫﻮﺵ ﺁﭘﺎﺭﺍ ﺑﻴﺮﺩﻩ ﻗﻮﺟﺎﻏﻴﻨﺪﺍ ﺁﻧﺎ

ﻣﻨﻰ ﻛﻪ ﺳﻴﺨﺪﻯ ﻓﻠﻚ ﺍﻭﺯﮔﻪ ﺑﻮﺟﺎﻏﻴﻨﺪﺍ ﺁﻧﺎ

ﺑﻴﺮ ﻳﻬﻮﺩﻯ ﺍﺋﻮﻳﻨﻴﻦ ﺗﻮﺯﺩﺍ ﺍﻳﺘﻦ ﻗﺮﺁﻧﻴﻴﺎﻡ

ﺍﻭﺧﻮ ﻋﺸﻖ ﺁﻳﻪ ﺳﻰ ﻧﻰ ﺑﺎﺭﻟﻰ ﺩﻭﺩﺍﻏﻴﻨﺪﺍ ﺁﻧﺎ

ﻣﻨﻰ ﺩﺋﻮﻟﺮﺩﻥ ﺁﻟﻴﭗ ﺑﻴﺮﺩﻩ ﭘﺮﻯ ﻟﺮﺩﻩ ﻳﺎﺗﻴﺮﺩ

ﺷﻴﺮﻳﻦ ﺍﻓﺴﺎﻧﻪ ﻟﺮﻳﻦ ﺳﺤﺮﻳﻠﻰ ﺑﺎﻏﻴﻨﺪﺍ ﺁﻧﺎ

ﺍﻭ ﺍﻳﺸﻴﻖ ﻳﻮﺥ ﻧﻪ ﻗﺪﺭ ﺷﻬﺮﻯ ﭼﺮﺍﻏﺎﻥ ﺍﺋﺪﻩ ﻟﺮ

ﮔﻮﺭﻣﻮﺷﻢ ﻃﻮﺭ ﺍﻭﺩﻭﻧﻮ ﻻﻣﭙﺎ ﭼﺮﺍﻏﻴﻨﺪﺍ ﺁﻧﺎ

ﺍﻭﺭﻩ ﮔﻴﻢ ﻗﻴﺰﻣﺎﺩﻯ ﺫﺭﻩ ﺑﻮ ﺳﻮﻳﻮﻕ ﻗﺎﻧﻠﻰ ﻻﺭﺍ

ﺍﻳﺴﺘﻰ ﻟﻴﻚ ﻗﺎﻟﺪﻯ ﺳﻨﻴﻦ ﻫﻴﺴﻠﻰ ﺍﻭﺟﺎﻏﻴﻨﺪﺍ ﺁﻧﺎ

ﺍﻭﺭﻩ ﮔﻴﻢ ﺑﻴﺮ ﺗﻴﻜﻪ ﺩﻯ ﮔﻠﺪﻯ ﺳﻨﻰ ﮔﻮﺭﻣﻚ ﺍﻭﭼﻮﻥ

ﭼﻴﺮﭘﻴﻨﺎﻧﺪﺍ ﺷﺎﻓﺎﻏﻴﻦ ﺳﺌﻮﺟﻰ ﺑﻮﻻﻏﻴﻨﺪﺍ ﺁﻧﺎ

ﻗﺎﺭﻳﺸﻴﺒﺪﻳﺮ ﺍﻭﺣﺰﻳﻦ ﻣﺎﻫﻨﻰ ﻻﺭﻳﻦ ﺍﺕ ﻗﺎﻧﻴﻤﺎ

ﻧﻰ ﻗﺎﻻﻥ ﺗﻚ ﻗﻮﺯﻭﻧﻮﻥ ﻛﻮﺭﭘﻪ ﻗﻮﻻﻏﻴﻨﺪﺍ ﺁﻧﺎ

ﻃﺒﻌﻴﻢ ﻋﻴﺴﻰ ﻛﻴﻤﻰ ﺩﻳﻠﻠﻨﻤﻪ ﻳﻪ ﺍﺋﻴﻠﻴﺮﺩﻯ ﻫﻮﺱ

ﺩﻳﺰ ﭼﻮﻛﻮﺭﺩﻭﻥ ﻛﻰ ﺍﻭﻟﻮ ﺗﺎﻧﺮﻯ ﻗﺎﺑﺎﻏﻴﻨﺪﺍ ﺁﻧﺎ

ﻋﺸﻘﻰ ﺍﻗﺒﺎﻟﻰ ﺍﻳﭽﻴﭗ ﺳﺎﺧﺴﻰ ﺳﻬﻨﮕﻴﻨﺪﻩ ﺍﻭﺩﻭﺭ

ﻛﻰ ﻣﻠﻚ ﻟﺮ ﺳﻮ ﺍﻳﭽﻴﺮ ﭘﺎﺳﻠﻰ ﭼﺎﻧﺎﻏﻴﻨﺪﺍ ﺁﻧﺎ

بیشتر بخوانید >> شعر در وصف مادر ؛ زیباترین اشعار احساسی و خاص برای مادر

شعر ترکی در مورد مادر

ای منیم یرده اولان وارلیقیم ای شانلی آنام

ناماز اوستونده منیم چون الی قرآنلی آنام

یر اوزونده سنه تای هرنه دولاندیم یوخدور

سنه تعظیم ائله مک حالدا نه وار جانلی آنام

کعبه زوواری اولانانلار اگر الله چاغریر

من نماز اوسده دئدیم ای منه سهمانلی آنام

کائناتی یارادان سنده کماله یتیریب

بلکه الله دا دئیر یرده سلیمانلی آنام

وارلیقونان یاناشیر هرنه یارانمیش البت

کیم اینانمیر بوسوزه اولسون اوز قانلی آنام

یر اوزونده دئمیشم چیلخا محبتدیر آدین

اودی یول آشماداسان جنته ایمانلی آنام

ایستیرم(ائلچی)کیمین شکلووی بیر بت دوزلیم

سحر آخشام گوتوروم قوینوما جیرانلی آنام

باغیم باهاریم آنا نازلی نگاریم آنا

سنسیز خزانا دونر گولوم گلزاریم آنا

نه شیریندی سوزلرین    نه گویچکدی گوزلرین

لای لای دی من یوخلویوم     صبریم قراریم آنا

من دوزه رم سن گَلَن    سنسن دردیمی بیلن

درمان یوخدی دردیمه   وفالی یاریم آنا

من گزیرم دالینجا   منی آپار یانینجا

من گوله بیلمم سنسیز باغیم باهاریم آنا

قراریمی آلیپسان کمنی گوزدن سالیپسان

بیلمم هایاندا قالدین   نازلی نیگاریم آنا

هر گون سنسیز آغلارام سینه می من داغلارام

آیریلیقا یوخ طاقت وفالی یاریم آنا

سنسیز اولدوم بی قرار قیش گیتدی گلدی باهار

هاردا قالدین گَلمدین منیم وقاریم آنا

من گوزلورم یولون آنا   سال بوینوما قولون آنا

سنسیز دنیانی نیلورم آی گلعذاریم آنا

اشعار ترکی در وصف مادر

آنادان مهربان یوخدی دنیادا

آنالار زحمتین وئرمریق بادا

سوت وئرن غم چکن یاتمیان گیجه

آنانین لای لایین گل سالاق یادا

بالاسی آناسین سسلیه ن زمان

روح وئرر انسانا سسلننده جان

مهربان آنانین سعی ائله بالا

ائتمه سین زمانه باغرین ایندی قان

قوجالاندا آنا تئز یتیش دادا

اوشاقلیق زحمتین اوندا سال یادا

باشینا دولانان وقتیده دینن

آنا دان مهربان یوخدی دنیادا

بویودوقجا آقاج بار گره ک وئره

سوزونی سعی ائداخ سالمیاخ یئره

بسکی ایستر آنا اوز بالاسینی

ایستمز هئچ زمان پیس گونون گوره

سیندیرماز دوزدانین کیم دوزون دادا

آنالار زحمتین وئرمریق بادا

نه گوزل سوز دی کی ولایی یازیپ

آنادان مهربان یوخدی دنیادا

دیزیمین قوللاریمین طاقتی سن سن آی آنا

دیلیمین هر سؤزو هر صؤحبتی سن سن آی آنا

کیم اگر ایسترسه آناسی خوار اولسون

دیلی لال گؤزلری کور قولاق لاری کار اولسون

کیم آنا زحمتینی دانسا اونا آر اولسون

چکن اؤولاد چون عذاب اذیتی سن سن آی آنا

دیزیمین قوللاریمین طاقتی سن سن آی آنا

دیلیمین هر سؤزو هر صؤحبتی سن آی آنا

سایه نده عومور کن قالماق ایستیرم

بوتون وارلیغیمی شیرین عومرومو

سنیله بیرلییب بولماق ایستیرم

یورولاندا روحوم آرتاندا غمیم

بیر شیرین دوداقدان گولماق ایستیرم

حیاتیم زایلاشیب آی قوجا ننه

جوانلاش تازادان اولماق ایستیرم

گوللری سارالدیب خزانین دادی

کوکوندن غصه نی یولماق ایستیرم

آیاقین آلتیندا آچان بیر گولم

قولومی بوینونا سالماق ایستیرم

بیشتر بخوانید >> شعر در مورد مادر ؛ اشعار عاشقانه تقدیم به مادران عزیز و مهربان

شعر آذری درباره مادر

ایکی عالم صدف اولسا ، اونا گوهردی آنا
خلقتین فخـر مـباهــاتینه جـوهـردی آنا
خوش دانیشدیر یوزونی قویما گوره رنج و محن
اوپ اَلین حـرمتـیلن قیمتی یوخ زردی آنا
امرینه ایلـه اطاعـت کـه رضـا ســنن اولا
بیر دعاسی سـنه مـین سایه دی شهپردی آنا
قویما دیداریوه مأنوس اولا چوخ حسرتیلن
تابی یوخدور دوزه،هجران غمی پروردی آنا
آغلاسا قـویـماگیلان اشـکین عذاره اَلَسین
اورگـی یاره لـیـدی مـنبـع غـملـردی آنا
سنسن امّید و نشاطی ،گوزونه نـور و ضیـا
سـنسـیز اولـسا بیلوسن بیکس ویاوردی آنا
روز مادردی بو گون بیردنه گول باغلاد آپار
قویما سینسین اورگی قوش کیمی پرپردی آنا
آلگیلان گویلون اَلـه تـاج سریمسـن ده مـنیم
شـرف و عـزت و شـخصـیّـته مـظهـردی آنا
اول مواظب عملیدن اِلـه حفـظ حـرمـتیـنـی
قویما سولسون اورگی غنچه کیمی تردی آنا
دوت الینن که سنین چوخلی دوتوبدور الیوی
حاجتـیـن ایـلـه روا پـاک و مطـهـردی آنا
دوقوز آی حمل ایلیوبدور سنی بطنینده هـلـه
ایکی ایل صود وئروب آیینه ی اختردی آنا
دانیشاندا سویونـوب گـه یئرییَـنـده سویونوب
سـنی هـر صـبح مـسا عشقیله گوزلردی آنا
گه قوجاغینده سنه لای لایی گوز یاشلی دئیوب
گهی گهوارده ، شیـریـن سَسی دیلبردی آنا
اوقدر واردی مقامی نقدر یازسا قلم
گئنه ده کم گتیرور مین دَنه دفتردی آنا
بیرده حاشا گله دنیایه آنـا مثـلی بشـر
قالمیشـام من یازام آیا نَیه بنذردی آنا؟
ایستسون کوثری الله سنه اهدا ائلسون
اوپ الینن آناوین صاحب کوثردی آنا
اوپ اَیاقین سنه تا واجب اولا الماسـی
جنـت حق که سنه شافع محشردی آنا

ای یامان گونده چاتان هر زمان امداده آنا‍

ای حیاتیم بویو دونیاده یئتن داده، آنا

یاتارام هر گئجه من فیکر و خیالینله سنین

گوره رم گول اوزیوی هر گئجه رویاده آنا

سن حیاتیمین پارلاق اولدوزو اولدون

هارایا گئتسه م، گئدیره م ایشیغینین آلدتیندا

سئوگینله بؤیودوم

دوغرو یولو بیلدیم

سنی سئویره م آنا

آنا سنی چوخ سئویره م

بلکی سئوگیمی هر زامان گؤسته ره بیلمییه م

آما سن همیشه بیلیرسن بونو

آنالار گونون قوتلو اولسون

بیشتر بخوانید >> متن کامل اشعار ایرج میرزا در مورد مادر + معنی و تشریح شعر

شعر ترکی درباره مادر کوتاه

منیم اوچون هر شئیه قاتلانان

هر زامان یانیم دا اولان

دگری بیچیلمه یه ن

دونیانین لاپ گؤزه ل آناسینا

آنالار گونون قوتلو اولسون

سئوگیلی آنام، بیر گون اوماریم منه گؤسته ردیغین

سئوگی و صبری سنه گؤسته ره بیله م

آنالار گونون قوتلو اولسون

بیر گونومده دئییل، هر گونومده سن

هر گون، هر ثانیه منیمله سن

هر زامان منه دسته ک اولدون

سن منیم اوچون چوخ اؤزه ل سن

آنالار گونون قوتلو اولسون

بیشتر بخوانید >> متن کامل اشعار نیما یوشیج در مورد مادر دلنشین و تاثیر گذار

متن شعر ترکی خان ننه

خان ننه هایاندا قالدین
بئله باشیوا دولانیم
دا، سنین تایین تاپیلماز
سن اولن گون عمه گلدی
منی گوتدی آیری کنده
من اوشاق نه آنلایایدیم؟
باشیمی قاتیب اوشاقلار
نئجه گون من اوردا قالدیم
قاییدیب باخاندا گوردوم
یئریوی ییغیشدیریبلار
نه اوزون و نه یئرین وار
«خانی خان ننه م» سوروشدوم
دئدیلر کی : خان ننه نی
آپاریبلار کربلایه
کی شفاسین اوردان آلسین
سفری اوزون سفردیر
بیر ایکی ایل چکر گلینجه
نئجه آغلارام یانیخلی
نئچه گون ائله چیغیردیم
کی سسیم سینم توتولدی
او، من اولماسام یانیندا
اوزی هئچ یئره گئدممز
بو سفر نولوبدی، من سیز
اوزی تک قویوب گئدیبدی؟
هامیدان آجیخ ائدر کن
هامیا آجیخلی باخدیم
سونرا باشلادیم کی: من ده
گئدیرم اونون دالینجا
دئدیلر سنین کی تئزدیر
امامین مزاری اوسته
اوشادغی آپارماق اولماز
سن اوخی قرآنی تئز چیخ
سن اونی چیخینجا
بلکه گئله خان ننه سفردن
تله سیک، روانلاماقدا
اوخویوب قرآنی چیخدیم
کی یازام سنه، گل ایندی
دخی چیخمیشام قرآنی
منه سوقت آل گلنده
آما هر کاغذ یازاندا
آقامین گوزی دولاردی
سنده کی گلیب چیخمادین
نئچه ایل بو انتظاردا
گونی، هفته نی ساناردیم
تا یاواش یاواش گوز آچدیم
آنلادیم کی سن اولوبسن

بیله بیلمیه هنوزدا
اوره گیمده بیر ایتیک وار
گوزوم آختارار همیشه
نه یاماندی بو ایتیک لر
خان ننه جانیم نولیدی
سنی بیرده من تاپایدیم
او آیاقلار اوسته بیرده
دوشه نیب بیر آغلایایدیم
قولی حلقه سالمیش ایپ تک
او آیاغی باغلیایدیم
کی داها گئدنمیه ایدین
گئجه لر یاتاندا سن ده
منی قوینوا آلاردین
نئجه باغریوا باساردین
قولون اوسته گاه سالاردین
آجی دنیانی آتارکن
ایکیمیز شیرین یاتاردیق
یوخودا «لولئی» آتارکن
سنی من بلشدیرردیم
گئجه لی سو قیزدیراردین
اوزیوی تمیز لیه ردین
گنه ده منی اوپردین
هئچ منه آجیخلامازدین
ساواشان منه کیم اولسون
سن منه هاوار دوراردین
منی، سن آنام دوینده
قاپیب آرادان چیخاردین
ائله ایستیلیک او ایستک
داها کیمسه ده اولورمی؟
اوره گیم دئیر کی : یوخ یوخ
او درین صفالی ایستک
منیم او عزیز لیگیم تک
سنیله گئدیب توکندی

خان ننه اوزون دئیردین
که: سنه بهشتده آللاه
وئره جک نه ایستیورسن
بو سوزون یادیندا قالسین
منه قولینی وئریبسن
ائله بیر گونوم اولورسا
بیلیسن نه ایسترم من؟
سوزیمه درست قولاق وئر:
«سن ایله اوشاخلیق عهدین»خان ننه آمان نولیدی
بیر اوشاخلیقی تاپایدیم
بیرده من سنه چاتایدیم
سنیلن قوجاقلاشایدیم
سنیلن بیر آغلاشایدیم
یئنیدن اوشاق اولورکن
قوجاغوندا بیر یاتایدیم
ائله بیر بهشت اولورسا
داها من اوز آللاهیمدان
باشقا بیر شی ایستمزدیم